而家啲細路閒閒地都要上十個八個補習班、興趣班，暑假之常情，唔上先奇。個個都上你唔上，一個暑假就落後咗人哋幾班，追唔返，咁就大件事喇。大個最多只可以住太和，住唔到銀湖天峰㗎喇……至少啲怪獸家長係咁諗。

不過，有看透世情嘅家長，竟然逆行其道，公然反對呢種積極學習、努力進修嘅上進風氣！

咁佢又講得幾有道理嘅，而家啲大學生出嚟做嘢最多咪萬零蚊，畀你捱多幾年幾十年升到幾萬好未？人哋嗰啲唔使點用腦嘅官員月薪有成30萬呀……你？補習就可能補咗30萬！