每件產品都會附有產品說明書，未睇清楚就用，好容易會引致損傷……我指件産品，咁到時你就真係傷喇，個荷包。所以，你平時可以唔多睇書，但一定要睇說明書，分分鐘你會有開心大發現?呀！

智能煲原來除咗廚房啱用，浴室都啱用㗎？我平時最多喺裡面煲甜片啫，唔通甜湯都係要喺浴室度煲？又或者可能係有啲單位仲係停留緊喺煲水沖涼嘅年代啩。

講開浴室，介紹返隻浴鹽畀你哋啦。一路沖涼一路啪啪啪，簡直係一日裡面最期待最享受最relax最疏乎嘅時間呀，不過啪得嚟都要有節制，唔係等陣浸得太耐就會皺皮㗎喇……

通常女仔都鍾意整吓小食咁，呢個微波爐爆谷花罐好似都唔錯，不過用嗰陣就記得小心啲啦。

仲有仲有，呢排好好陽光，出街記得全身都要搽防曬保護皮膚呀，但唔使連小雞雞都要搽啩？

你就睇得唔夠全面喇，或者係咩人睇咩嘢啦，人哋係講緊個產品名咋！

好重要，所以需要3個感嘆號！記住記住記住，用力用力用力，插頭一定要插緊到底，插唔得入，啲米就唔成炊㗎喇。嗱，咪心邪呀，我講緊個飯煲插頭咋。BTW，啲產品說明咁詳細，唔知警棍同胸圍嘅産品說明又有冇講清楚佢哋嘅用途同正確使用方法呢？