韓國嘅蜂巢雪糕令唔少豬妹都大嗌「好味唷～」，但如果蜂巢唔係細細塊，靚靚金黃咁出現喺杯雪糕度，而係還原真面目，你又驚唔驚呢？有網友發現屋企個窗出面有個大蜂巢！

遠睇有啲牛sss…… 睇到都打晒冷震呀！

但有另一位網友發現佢屋企出面個蜂巢仲大！成個月球咁巨喎！咁大個蜂巢應該唔係一晚間突然形成㗎嘛？點解會今時今日先發現嘅呢？
 

原來佢兩年無開窗簾，所以唔知危機已經伏喺佢窗邊…… 唔通呢位哥仔太有魅力，所以惹嚟咁多狂蜂浪蝶？

最慘慘豬嘅係，超巨大蜂巢個「主人」話管理處又玩手續嘢，報食環又話私樓唔跟。如果「主人」你唔想要個蜜蜂竇，不如試下問下民政事務局呀，話唔埋流局長幫到你呢？

資料來源：Leo Cheng‎/Oh yes 有得整、 Milk Ho Lownose