香港路邊嘅圍欄掛滿晒議員驚死人哋唔知自己做咗嘢嘅banner，唔係「成功爭取乜乜乜」就「強烈讉責物物物」，一條街成19幾塊。

好似Treegun同埋佢個FD子丁議員，即係成功使咗33萬起避雨廢墩嗰位呢，用banner宣傳10蚊16張證件相咁，除返開每張幾10毛咋，唔知有冇得同埋Treegun合照㗎呢？

唔止咁，Treegun仲請（邀請個請）你睇好戲！30蚊咋，仲抵過睇早場喎！BTW，毛毛就話睇Treegun嘅演出仲好笑過睇卡通片啦，仲唔使錢?。

但最近有摩擦力強嘅鰂魚涌街坊就發現Treegun同丁議員嘅banner可能違反指引啵。冇理由㗎？banner上面又冇寫到粗口，唔會畀人告普通襲擊㗎喎，又冇人影戰術咁一步一banner，都唔係好阻街啫（但好礙眼囉）。

原來地政總署嘅路旁宣傳品指引寫住「有關資料不得宣傳任何商品、收費服務，或 任何收費的訓練課程和活動」，但Treegun同丁議員嘅banner就大大隻字寫住幾錢幾錢，唔知咁樣會唔會違反指引呢？有冇法律丁丁可以教下毛毛呀？

毛毛真係有啲擔心Treegun佢哋呀，其實就算佢哋唔用平價嘢益街坊，大家都會咁愛戴佢哋㗎啦，唔好下下講錢啦，如果大家講乜嘢利益嘅嘢，係好傷我嘅心，ok？

資料來源：樂活鰂魚涌、地政總署