個幾月前，強國有個麻甩佬當值嗰時好唔小心咁播咗自己享受緊嘅愛情動作片出路邊嘅大電視，搞到成條街都聽到啲「依依呀呀」聲，我指啲路人睇到之後發出嘅嫌棄聲呀。

世人總是要重複同樣的錯誤才安樂，就喺噚日，又有勇士進行思想大解放喇！強國有個商場外牆嘅大電視播錯咗愛情動作片，仲要成7-8分鐘先播返商場廣告。嘩，咁耐先發現，唔知播到咩情節呢？

你以為播返廣告就可以鬆一口氣？傻豬嚟嘅，咁易畀你估到，就唔係強國啦～睇完A片要做啲咩？播埋B片呀嘛！播完廣告，回完氣，又再開始播另一套愛情動作片喇，仲播咗幾分鐘先完。

唔知呢間商場係咪搞緊上床床上用品大特賣，所以要用特別的宣傳技巧吸引多啲享受床上時光嘅人鳩嗚呢？

資料來源：新民網
延伸閱讀：【強國大解放】路邊大電視播AV？