之前都同大家唔開心地些牙過幾單新型創意騙案，中聯辦、送紅酒、扮郵差叔叔都有，噚日有網友又post咗張相話FD子個鄰居中招喇！媽，咁多人呃人，毛毛真係巧京京！

有網友話收到封假煤氣公司信，FD子個鄰居防不勝防，一個唔為意就信錯騙徒，開咗門比佢入屋，結果整壞個煤氣不鬼止，仲畀人偷嘢呀！

有啲網友話信上面嘅英文係goodest english嚟嘅：If you have questions can call the company staff. 毛毛英文唔好，讀落都覺得好似怪怪地咁，但就唔知啱唔啱grammar喇，唔通封信真係假嘅？

但之後有報道話，原來個消息先係假㗎！煤氣公司話封信係真嘅，亦都冇人畀人偷嘢同整壞個煤氣。下？案中案，假中假喎！到底有啲咩係信得過，有啲咩係信唔過㗎！媽呀，我好亂呀！

資料來源： ‎親子王國、蘋果日報、煤氣公司 Towngas

新型騙案回帶：【防中招一定要睇】最新型電話騙案！！、【睇L住呀】騙徒又有新玩法、【我睇唔透】郵差叔叔呃人純熟？