美圖瘦獸男子組代表蛇精男久休復出喇！之前同大家講過佢整完容嫌自己都係唔夠靚靚，豪使咗幾十萬又再整過。

整完容好似食咗技安幾拳咁都仲自拍得落，睇嚟蛇精男自我感覺都幾良好。

整容整得咁辛苦，個成果如何呢？睇下前後對比先，下巴尖咗，雙眼皮深咗，成個樣，又膠咗……

有網友就話覺得佢個新樣十足一粒鑽石，咦，咁佢第日求婚咪戒指都慳返？（如果有對象嘅話……）

仲有網友見美圖瘦獸大師執圖執上癮，就手痕幫佢再執得靚仔啲喇。唔知蛇精男見到啲作品，會唔會跟住再整一次，整到對眼好似外星人咁大呢？咁到時就要搵Danny Summer研究下佢喇！

Oh yeah！毛毛最期待嘅畫面出現了！就算蛇精男個樣點變，網友對佢嘅心意都係唔會變㗎！

資料來源：劉梓晨的唯一私人小號

回帶：強國蛇精男又整容