你搭巴士遇過啲咩怪人怪事呢？神秘嘅黃色液體、好似丁丁嘅泰國聖物「巴啦Kit」，定係特別的剪紙藝術呀？不過相信點怪都唔夠呢位馬鞍山街坊見到嘅人咁令人O晒咀！

_你個街！個頭呢喂？好似未到農曆七月㗎喎，仲要日光日白，講呀，你個頭碌咗去邊！

唔通呢架就係比鬼巴士更猛嘅無頭鬼巴士？有網友懷疑張相PS過或者用咗特別的攝影技巧，但樓主就話兩樣都唔係，係條友仔件褸頂帽太高，遮住咗佢個超級低頭。哦...... 原來唔係個頭碌走咗，而係可能掛住碌手機。

原來超級低頭族喺台灣都有㗎，之前就有人夜媽媽見到個無頭阿伯…… 喂呢張堅驚喎！玩手機玩到頭都唔見埋，睇緊咩咁入神先？

資料來源： 馬鞍山之友、今日新聞