明明呢間快餐店之前仲好愛國，用強國用語嚟寫餐牌，方便廣大嘅強國同胞點餐！（睇返：愛國就要用強國用語）

點知今日就有人發現，原來用英文點餐會平啲㗎！反了反了！
雖然毛毛讀得書少，唔係好識英文，但1234都識睇嘅。點解中文餐牌明明寫住「奶茶咖啡＋＄６，凍飲＋＄９」，英文嗰行就一個變咗加$５，一個加＄８？足足差咗成＄１呀！擺明蝦毛毛呢啲唔識英文嘅廢青啫！仲唔係有外國勢力介入！真係要同東方昇同志反映下先得！

毛毛寧願俾多＄３加啲感情畀我，都好過要我講英文呀！