有位網友分享咗佢用薯片嚟捉心理嘅心得，睇落好似都幾堅揪，等毛毛些牙埋畀你哋，等你哋捉下娘娘個心肝仔諗緊乜啦。

第一步就梗係請咗個豬妹食薯片先啦，唔請邊有得食呀！睇下佢食唔食，如果食，就表示你有機喇！如果佢唔食，又要分析下佢點解唔食，要小心佢係個拜金/膚淺/麻煩港女！

第二步就係睇下佢點開包薯片喇。咁小嘅事都可以睇得出佢係整齊冷靜定論論盡盡㗎。不過咁喎，莫道你在選擇人，人亦能選擇你，請豬妹食嘢又唔開埋畀人，可能人哋都覺得你唔細心呢！

最後就係睇下點食喇，係倒入口呀，定係用手拎嚟食。嗯……呢位網友其實都係想睇豬妹可以擘到個咀仔幾大啫！

其實薯片心理學應該唔單止可以應用喺豬妹身上嘅，仔仔都得㗎。嗱，毛毛開薯片開得幾細心，一塊都冇飛出嚟㗎！

資料來源：香港討論區