突發消息！一向作風低調，深受大家愛戴嘅流肛華局長畀JING CHA拉咗呀！唔好呀，開講都有話「唔做唔錯」，流局長平時又唔做嘢又唔講嘢，邊會做錯事㗎，係咪有咩誤會呀？

JING CHA你拉還拉，唔好用手臂延伸對付流局長呀！

當毛毛好嬲嬲豬啲JING CHA亂咁拉人嘅時候，就發現原來較早前有讀者影到疑似流局長罪証喎。流局長反了反了！佢身穿印有防礙國家和諧嘅口號嘅衫呀！咁大膽著到咁樣出街，又好難怪你畀人拉嘅，有名你叫JING CHA，為國家服務㗎嘛！

原來唔止咁呀，流局長唔知是咪因為升咗官開心得滯，性情大變，由本身沉默是金變到標奇立異，仲當眾露青頭！唔係露丁丁呀，你幾時見過垃圾桶有丁丁嘅啫，係柒染到個頭鬼五馬六咁，可能就係因為咁，畀JING CHA以為佢係不良中年所以拉咗佢呀！