近排天口㷫，今日《4個小生去旅行》記者會上面四哥謝賢燥到郁手打人喎，因乜解究咁好火呀？

原來係因為四哥唔gur拍嘢嗰陣曾江有輪椅車仔坐但係全程要佢哋三個人要輪流幫佢推輪椅呀！仲唔gur錄音嗰時曾江喺度行嚟行去嘈住晒喎，所以咪醒佢一巴囉。

本身修哥同曾江兩個一齊食蛋糕，四哥喺一邊已經就嚟要爆喇！

不過，其實成件事嘅亮點係都係修哥，你睇修哥見佢哋兩個咁好火，都仲可以一路食蛋糕一幫曾江收碟，真係穩如泰山處變不驚！不過都好似中咗一嘢眼鏡都甩埋，話時話，修哥你有冇事呀？