毛毛成日都會流失蛋白質（你懂的），所以最鍾意食蛋補充返！今日毛毛豬我又捉佢去食蛋啦～開頭見到間餐廳，以為又係一間普通冰室，但原來佢憑住一樣好特別嘅食物出晒名！

就係呢件「火腿小奄列」啦！佢個餐牌真係不誠實，叫做小奄列，但個份量隨時拋窒你！

沙煲咁大個奄列你有冇見過？毛毛豬聽fd子講，呢度啲嘢食出名大大份，特別係蛋呀，真係落足料畀你㗎！好似呢個奄列就用咗七隻蛋嚟整，仲用咗豉油嚟調味，咁就更加試到蛋嘅鮮味啦！

天氣咁熱飲整杯非常港式嘅阿華田奶昔，爽呀！飲落似沙冰多啲但係就好重阿華田味。

餐廳屬於街坊小店，座位唔係太多，想去嘅朋友要有心理準備排隊，就算入到去坐低都可能要搭枱㗎。不過為咗食好嘢，值得嘅！

餐廳資料：

嘉樂冰廳

地址：荃灣新村街40B號地下

電話：2493 7308

營業時間：星期一至日: 10:00-19:00