最近差唔多日日都有新款騙案發生，搞到香港人巧京京，收封信、聽個電話都怕畀人呃！其實肯搞咁多嘢呃你錢已經好有心機㗎喇，有啲衰人直接偷你銀包㗎！

有馬鞍山街坊話噚日搭680巴士嘅時候，畀賊仔用刀片割開褲袋想偷佢銀包！好彩呢位街坊冇唔見錢錢，但都返到屋企先發現褲袋爛咗，睇嚟賊仔手勢都幾好啵。

早幾個月都有網友日光日白嘅時候喺山東街遇到割袋賊！真係危險，一個唔該割錯其他袋點算？

睇戲就話啲文雀型啫，真係畀人偷嘢就慘囉！（好似卡士蘭咁型除外，hehe～）

資料來源：馬鞍山之友、電影《文雀》預告youtube