2015年08月13日 星期四
【的士增值服務】流動層層疊
讀者Wai Tat Toa報料，見到有架的士為咗喺逆巿生存，努力增值自己，突破盲腸，喺有限空間裡面創造無限可能。
呢架的士參考慈母延伸手臂嘅概念，將車尾箱嘅空間延伸至車頂。再經過精密嘅數學同物理學計算，計出完美擺貨角度，確保所有貨物即使遇到飄移同急轉彎嘅嘅情況，都仍然能夠屹立不倒！所以話，咪睇少的士司機呀，淨係識揸車唔夠㗎，仲要識計數、風險管理、做生意......連觀天測氣象都要識呀，唔係揸揸下落雨淋濕晒啲嘢點算？
其實揸的士難做都唔係今日嘅事，之前都有好多司機大佬各出奇招，甚至變埋做泥頭車?呀，睇返呢篇「的士撈過界 泥頭都車埋？」啦！至於咁載貨有冇犯法？喂，慈母做嘢唔係要你教呀？
