網民發現有人推埋架超市手推車去搭地鐵。做咩啫你，港鐵成日啟動齋加唔減機制，梗係要搭盡佢㗎啦，同埋買得多嘢點可以唔用車仔幫手喎，你哋班廢青又喺度大驚小怪！

其實手推車算得係咩......有人搭地鐵搬埋洗衣機同BB床?啦，毛毛好好奇佢哋係點樣入閘，係用咗縮細電筒定係隱形斗篷呢？

BTW，港鐵其實有好清楚寫明大件行李嘅長、闊、高加埋唔可以超過170cm，或者任何一邊唔可以超過130cm，係呀，有寫清楚㗎，不過唔知點解都仲見到咁多任何一邊都超過170cm嘅行李，真係睇唔透......

下次搬屋唔使call車啦，搭港鐵咪得囉，好抵！

來源：涂東東專頁（圖二）、涂東東專頁（圖三）、港鐵