四川華鎣山蠟像館被稱為全球最醜蠟像館？等毛毛睇過～呢三個蠟像唔睇簡介嘅話，都仲勉強認出張曼玉，嘅。但隔籬嗰兩個係咪唔知邊度走失咗嘅村姑？電影巨星章子怡、鞏俐配簡樸大媽街坊運動裝，仲要反埋個潮童領出嚟，著普通服裝都可以著到咁入型入格，果然係強國之星！

BTW，章子怡條髮線會唔會後咗少少？毛毛心諗，章子怡同鞏俐嚟到，分分鐘都唔認得自己......

同場加映，眉粗粗、眼細細嘅姐卵呀！算係咁啦，係啲頭髮塌咗少少、長咗少少同亂咗少少咁啫。

其實好似香港個蠟像館咁，整到同真人一模一樣有咩好睇啫，梗係要整到同真人有「少少」唔同，先至有新鮮感㗎嘛！

來源：中國新聞網