早前有讀者send咗個體操王子畀毛毛，一路搭地鐵一路自吊乜乜乜，不過呢個體操王子咁大個先嚟練，實在太遲喇......

識練一定由細細個練起，國家隊嘅精英都係幾歲就開始訓練㗎嘛。呢個細路就叻叻豬嘞，唔止識玩體操，仲好識善用公共設施同時間，唔會放棄任何一個鍛鍊嘅機會，搭住輕鐵嚟練體操，睇個勢應該係想練吊環?！

話晒體操都係國家最拿手嘅項目呀嘛，連網民都話唔好阻住一個體操運動員嘅誕生，可想而知我哋香港人其實係幾咁愛國愛黨，寧願犧牲自己嘅空間，都要讓位畀好可能係未來國家體壇超新星！

細路，畀啲心機練呀，無論搭地鐵輕鐵定巴士乜乜乜都要爭取時間練習呀！國家將來就靠晒你喇！

來源：Cyrus Simon Wong／「反赤化.反殖民」

延伸閱讀：港鐵內碰著體操王子？