般咸道嗰4棵細葉榕古樹最近被斬咗，得返啲樹幹同樹根喺度。

而附近嘅一個唔知算唔算係避雨亭嘅亭終於得到大家嘅留意。呢個亭，四面通風，非常涼爽、加上透明頂嘅設計，相信唔係畀人避雨或者防曬嘅，而係⋯⋯畀人坐喺度睇住啲人同啲車行嚟行去、行嚟行去同呼吸巿區空氣嘅！

數一數，1,2,3⋯⋯，有成9個位咁多呀！幾個老朋友坐喺度食住蛋糕咁談笑風生都得呀！

睇返啲資料，價值15萬呀呢9個位！除返開，即係每個位大約萬六蚊呀喂！喂，頭等艙啲位都未有咁貴呀，搞到我都好想去坐一坐呀！

再睇落去，原來最初係為咗防止樹上而嘅有毒蛾蛹跌落嚟而起呢個亭嘅，咁而家啲樹都斬晒咯，應該都唔會再有蛾蛹跌落嚟喇啩，唔知佢會唔會同之前個33萬廢墩一樣命運，起完又拆Q咗佢呢？

來源：樂活鰂魚涌、晴報、區議會文件 － 地區小型工程小組文件

延伸閱讀：【突發】鰂魚涌33萬避雨亭 又拆？