身為一個毒L，必須有返一兩手技術傍身，間唔時脫一脫毒，refresh一下自己......個ig，呃下like同關心嘛。

呃like圖嘅精髓就係在於要令人心思思，好似睇得透又好似睇唔透咁，就好似呢張圖咁，呢兩個人喺度做咩呢？（Caption應該大概係：這些機會終於...... 或者 不解釋之類）而得到嘅comment通常都會係：

求樣！

成功了？

恭喜曬~

終於...

sweet 

誰不知，真相原來係......

原來係個毒L喺度拉緊筋。巴打，睇嚟你條筋仲未夠鬆喎，離地嘅仲係，繼續壓落去啦。BTW，毛毛好公平嘅，教完毒L影相，點會少得盛女吖？

早前有西人發明咗呢隻自拍神手，簡直係盛女嘅恩物呀！不過而家啱啱踏入農曆七月，為免引起公眾恐慌，毛毛懇請大家暫時都係唔好用住喇......

來源：justincrowestudio