天津大爆炸發生5日之後，總理李克強迅速去到災區現場視察，唔少強國網民都喺微博留言「你怎麼才來啊？」、「總理你來晚了！」表示對李克強嘅感激。

而李克強喺天津指揮救災時影嘅相，就畀網民懷疑係改圖。黨就好似一個紅太陽咁照亮我哋，加埋天上面個太陽，兩個人隻手嘅影唔同方向，都好正常呀。

踏入農曆七月，一個時運低冇咗個人影，都是常識吧。唔需要大驚小怪，自己嚇自己。

貴人出門招風雨呀嘛，雖然未打風落雨，但總理出現呢十幾分鐘，已經令現場一時勁猛太陽一時又天陰陰。其實全部相都係好合理地解釋到嘅，真係唔明點解啲人會話係改圖！要對黨有100%信心先係嘛！

資料來源：新華網(圖一)、新華網(圖二、三)