讀者PO Sin喺踏遍強國大地期間，盡吸強國文化精華，佢仲好有心咁send咗幾張當今強國7潮頭相畀我。

根據PO Sin所講，呢種裝扮隨街都見到，男女老幼都係咁樣打扮，將啲花花草草一棵二棵咁插晒喺自己個頭嗰度。你睇呢個大媽，妸娜多姿，幾咁誘人呀！

最衰毛毛讀得書少，識嘅字詞唔多，除咗「一朵鮮花插在XX上」之外，我諗唔到第二句句子用嚟形容呢個咁時髦、咁優美嘅裝扮。

不過勢估唔到一向唔聲唔聲嘅流局長，原來都跟車咁貼，同強國潮流接軌。唉，一直自問行喺潮流尖端嘅毛毛，今次真係認輸鳥！