上星期五走在時事最前線嘅CCTVB節目《東張西望》播咗天津現場嘅救災狀況，又揾嚟專家分析爆炸源頭。

咁重要嘅資訊節目，毛毛梗係要上網重溫下啦。但係條片竟然唔見咗！其他集數嘅《東張西望》都有大約廿分鐘，而呢集就cut到得返9分幾鐘，返得講人仔貶值同唔知關我乜事嘅八卦新聞嗰part！

條片係冇咗，但標題都仲係寫住《分析天津大爆炸起因》，足以証明CCTVB唔係有心河蟹嘅。大台嚟喎，又點會河蟹天津爆炸事件咁迂腐呢？只係技術性調整啫，不要怕！

資料來源：MYTV