行街扮靚同食好西不嬲都係女人嘅終生事業，今日終於畀毛毛豬搵到間可以滿足我三個願望嘅餐廳啦！

呢間鋪頭一邊賣韓國化妝品同手袋，另一邊就係Café，梳化上面仲放咗好多巧打意嘅公仔，啱晒一眾妹豬去影相呃like！

毛毛豬仲聽講呢度嘅芝士蛋多士好出名！

表面上係平平無奇嘅一塊多士，只不過係多咗塊芝士係上面，點知一切開……

啲蛋黃流晒出嚟！嗚哇毛毛豬不行了！原來裡面收埋咗隻流心蛋，加埋烘過嘅多士，真係極邪惡！

食完主食當然唔少得甜品。餐廳甜品主打有棉花糖多士，雖然又係多士，不過見佢個樣咁靚又試下啦！

個店主肯定好鍾意係啲多士上面加嘢。今次塊多士上面放咗九舊焗過嘅棉花糖，再配以朱古力醬，食落真係sweet過我同毛毛呀！不過呢啲嘢食得多都會膩，細食的妹豬可以叫嚟同FD子開心些牙。

其實呢個芝士蛋多士同棉花糖多士睇落都幾容易做吖，等我返屋企整畀毛毛食先！

餐廳資料：

KC café

地址：觀塘成業街6號泓富廣場2706-10室

電話：3692 5113

營業時間：星期一至日: 11:00-20:00