今次真係唔召喚阿寶唔得喇……人類總要重複同樣的食女錯誤。唔通靚仔嘅新定義係要喺挨豬direct flirt女？

之前愛迪生同港女講咗句「U seem like fun」之後畀個女仔post咗出嚟，令到呢句英文成為新一代潮語，食女唔成仲畀人當花生，果然夠晒fun。

睇嚟IG食女係天下間每個男人都會犯嘅錯誤啵，同一個故事，竟然發生喺型男C朗身上。佢都一樣，用挨豬direct同索模Meredith Mickleson搭嗲，講咗句「Hey」，仲畀索模post埋出嚟，下場咪又係畀人當花生囉，但係毛毛今日諗住再食多次花生嗰陣，個post已經del咗喇。

不過呢位大……眼靚女得16歲咋，C朗可能涉嫌騷擾未成年少女，犯法呀！明明個索模身材……我想講身高，成5呎10吋喎，都唔似16歲，C朗點會估到中伏喎！

輕輕一句Hey都唔得，唔知C朗而家個樣係咪咁呢？

資料來源：90min.com、Meredith Mickleson/ Instagram、youtube

回帶：【高手出招】久休復出的Edison又溝女了！、【C朗揈巾show】你到底想我揈乜巾？