強國歌唱比賽節目《蒙面歌王》要班歌手戴住面具唱歌，評判淨係靠聽聲認人喎，咁難，點認呀！

第1集搵嚟送禮勤唱《富士山下》，佢把聲咁冇特色，搞到作過曲畀送禮勤嘅巫啟賢都認唔出，只係稍為覺得有啲送禮勤嘅味道咋。

第5集有個叫做「追著光影奔跑的羅拉」嘅女歌手出埸，佢戴住面具同橙紅色嘅假髮，加埋大褸、手套同長靴，全身上下都包到冚，邊度認得出呀叫人！

巫啟賢就保持一貫作風，扁嘴兼擰頭話唔認得。其實都見到對大眼同長腿呀，點都會認到有啲Gigi嘅味道啩？咁都認唔出，唔怪得Gigi黑面黑到連面具都黑埋啦。

資料來源：《蒙面歌王》youtube