2015年08月18日 星期二
【想當年】碧咸回味中場笠射入網
你哋啲豬妹一個二個都咁鍾意碧咸，咁你哋知唔知噚日8月17號係咩日子呀？
喺19年前，即係1996年，即係碧咸21歲嗰年，8月17號就係佢一射成名嘅日子呀！事隔19年，仍然難掩佢射完後嘅興奮，喺Facebook度同大家一齊分享呢份滾動！呢啲咪男神嘅浪漫囉～
少年你太年輕，可能未必睇過呢場賽事，等毛毛 （其實我都好年輕）話過你聽，碧咸絕對唔係淨得個樣，佢射⋯⋯波一樣咁得！當年，喺曼聯對溫布頓嘅英超球賽上，曼聯已經領先2:0，去到90分鐘，碧咸突然喺中場一腳吊射，射程超遠但同時超準咁笠死咗個守龍蘇利雲！面對住呢一射，蘇利雲只係可以轉身執返個波⋯⋯
果然不愧為我偶像！我都好想跟碧咸學吊射呀！嗱，我指射波咋！
