之前港大校委會成員盧醫生表演插水式嘅演技，震驚咗700億人。估唔到強國都有人效法阿茂，仲將佢發揚光大?！

一開始兩個城管都企喺路邊，準備嚴正執法嘅。

可能旁邊個城管知道roll咗機啦，就即刻發揮盧氏演技表演插水！仲一面滾地一面大叫：「我不行了！快報警！」

亦有網友認為旁邊個城管大哥其實係武林高手，係佢內功深厚得濟所以先震傷咗人哋。最抵死係佢最後係自己企返起身㗎！睇嚟佢都骨格精奇呀吓！

計我話，臨時演員都係演員呀！霞姨！快啲畀個飯盒人啦！

資料來源：鳳凰網