國際婚外情約會配對網站Ashley Madison乜乜乜畀黑客入侵， 有成萬個AC畀人起咗底呀！入面仲有成九個政府部門嘅email AC，哇乜而家香港啲官玩得咁刺激呀，偷情都用政府email登記？！

班醒目官一定係諗到最危險嘅AC就係最安全嘅AC，所以就用 .gov.hk email登記，咁到底係咩部門嘅官員咁識食呢？

聽講，有份參與呢啲刺激性活動嘅部門有教育部。
官員親身進行前瞻性嘅性教育研究，真係相當盡責！

仲有社會福利署呀都有份呀。

唔知係唔係有社工為學習處理婚姻危機所以製造婚姻危機，經歷下婚外情嘅心路歷。

哦原來香港立法會都有，咁呢個都估到嘅。

如果遲下黑客爆埋啲配對記錄呀profile呀人名呀出嚟，咁國際花生數指數又暴升喇。

資料來源：SCMP