等咗咁耐，Edison 終於有新歌喇！新歌叫《東方快車》，係新碟「三角度（二）」其中一首，歌詞好愛國㗎，毛毛聽聽下都開始勁共勁共?！

歌詞其中一句話：「台灣中國香港點解係都要分/點解唔一齊have fun」，睇嚟Edison真係好鍾意個fun字喎，U seem like fun！

跟住又有一句係：「我係中國人/上海廣州北京啲銀紙係咁印」 ，唔知Edison愛國定愛銀紙呢？銀紙係咁印，好似會貶值㗎啵，到時Edison唔知會做咩國人呢？

成首歌都係咁講香港點點點，又「日落大道」，又「人退化為蟲」，仲「花無百日紅」?，Edison你以前唔係話「同熱愛這片土地/大家刻骨銘記 愁或喜/生與死 也是香港地」㗎咩？好彩Edison冇好似佢影完閃卡嗰陣咁講，真係無限期離開香港娛樂圈咋，唔係我哋邊可以了解到一個揸住加拿大身份嘅型仔嘅心理變化呀？

聽歌：三角度 (二) 大碟試聽