舊年形容自己「繼續領導電視界，成為香港最多人收看的電視台」，自我感覺極度良好嘅大台噚日公布今年上半年的業績。《武則天》使咗大台咁多錢，又要作歌又要搵專家用特技封胸，話晒重頭劇，收視應該唔錯嘅。

《武則天》畀大台封咗胸都成功登上收視第一嘅寶座呀！啪啪啪，恭喜晒！

呢幾年大台每年嘅收視冠軍雖然屢戰屢敗，但都屢敗屢戰，繼續推出成間公司都住埋一齊然後每日都發生超多誤會嘅高質c9劇，收視逐年插水。

《武則天》平均收視有成26點，雖則及唔上舊時《西遊記》呀、《尋秦記》呀嗰啲郁啲就30幾點嘅神劇咁勁，但成績都好過唔少歷年最低收視劇集好似《盛裝舞步愛作戰》咁㗎～你就擔心大台啲劇愈嚟愈無聊呀，但其實全球有70億人，淨係可以睇阿周阿周㗎，仲唔感恩？

資料來源：電視廣播有限公司二零一五年中期業績公布、維基百科