而家連貓仔狗仔，甚至啱啱出世嘅bb都有facebook，搞社區項目，又點可以唔開返個facebook咁out呀？葵青區議會就使咗63萬嚟開page喇。

開得facebook，至緊要嘅就梗係有幾多人like啦。「攜青」facebook七月先開，但已經有過萬like喇！

如果用Socialbakers分析，就會睇到呢萬幾個like入面，有46%係嚟先台灣㗎。其實咁又有乜咁出奇喎，香港人都咁關心洪瑞珍同小紅小綠郵筒啦，台灣人唔畀關心返葵青區嘅咩？

雖然真係好多like，但使成63萬喎，唔通個admin係facebook面書應用速成班一級榮譽畢業嘅？
 

資料來源：攜青facebook

延伸閱讀：【絕對合理】五舊水學玩facebook!