2015年08月20日 星期四
香港排名下跌 蔣麗芸話係因為太自由？
前排英國《經濟學人》發表全球最適合居住城市排行榜，香港由上年排行31位趺到今年第46位。
.jpg){kind=icon}
報道表示排名退步嘅原因係因為早前發生嘅大型示威同警民衝突喎。一句講晒，一日最衰都係佔中啦！
一向愛國愛港嘅蔣元秋見到呢個情況，忍唔住係FB發表繼「感恩論」之後又一警世言論！
根據佢嘅神羅直呢，因為香港同時被評為係全球自由指數第一嘅城市，咁就證明咗一個城市如果太自由，就會變得唔適合居住喇（好似係）。
哦，原來唔係樣樣嘢都排第一就係好㗎，成蟲果然有先見之明！佢一早就預言咗呢個情況：「中國人是要管的！香港、台灣都太自由，所以太亂了。」
資料來源：蔣麗芸議員專頁、The Economist Intelligence Unit 、Fraser Institute
