日本UNIQLO嚟緊10月將部分員工轉做4天工作週！即係點？即係每個星期返4日放3日囉！點做到？每日返多兩粒鐘，由8粒鐘變咗10粒鐘，咁就可以喺人工唔變之下放到呢3日假喇！不過，首先你要係日本人......

喺香港，大L把人一個星期返足6日兼每日返19幾粒鐘，對香港人嚟講，如果份工係「5天工作」嘅已經叫執到啦，仲點敢要求四天工作週吖......真係葡萄死全香港嘅打工仔，連毛毛都想做日本人！

不過，就算畀你哋爭取到做4天工作咁又點吖？放假嗰陣咪又係繼續收到電話、whatsapp同email？有分別咩？繼續努力，畀心機返工啦港奴！

來源：蘋果日報、東京新聞