9月3日有咩事發生？無啦啦有假放囉。原來強國仲有中國人民抗日戰爭暨世界反法西斯戰爭勝利70周年閱兵呀！閱兵呢啲場面咁危險，梗係要做好保安啦，所以去廁所都要填表係好合理㗎！

想小個解要出示身份證，登記姓名手機號碼同身份證冧把性別排便總類同預計使用時間呀，心諗寫得完都喺門口瀨咗啦，最重要係如果一個唔小心屙唔出超咗時要作二百字解䆁呀。

喂大佬你閱兵曬幾百碌大炮出嚟我都未驚，我拎一支小炮出嚟用一用你要我填表？

對於毛毛呢啲廢青嚟講，一下子要寫二百字都唔係咁容易，為咗大家屙得舒暢，毛毛準備咗一篇範文畀大家參考。


好啦，各位同志辛苦喇，為咗毛主席什麼都可以忍，區區一泡屎又算得係咩吖！

來源: King Chan