舊同學Re-U最煩就係諗去邊，又要坐得耐，又要多位喎。有個網友話佢搞舊同學聚會嘅時候，當年有「Queen」之稱嘅班花無啦啦叫佢哋上佢屋企玩喎。

話得係班花，唔會下嫁畀班入面嘅毒男是常識吧，梗係嫁畀有錢仔仔啦。自從班花做咗人妻，仲生埋兩個小寶貝，就疊埋心水做少奶奶，好少join舊同學聚會喇。

成班同學一去到，班花第一時間叫大家睇下廳入面又朗誦又芭蕾舞乜乜乜，成廿個獎盃。

跟住佢仲叫女女出嚟同班未見過世面嘅uncle auntie些牙下之前去加拿大遊學團嘅見聞同朗讀自己寫嘅文兼夾連舞都跳埋。唔知小妹妹有冇用特別的朗讀技巧，周圍望下，扮下睇風景呢？

好戲在後頭，Re-U去到尾聲，班花問咗舊同學阿Ben一句「你覺得我個女點呀」。下，唔通想嫁個女畀叔叔？原來用心良苦嘅班花寧願唔畀jetlag緊嘅女女抖下，都要佢天才表演，係有苦衷㗎。班花搞咁多嘢，都係想順便幫女女轉校去阿Ben教緊間名校啫。

乖女，仲唔叫聲Uncle Ben？

資料來源：香港討論區