有讀者今日喺地鐵遇到個愛國過愛國倫嘅大叔呀！佢喺頭上面帶住幅感人肺腑嘅橫額，隔住個mon都感受到佢濃濃嘅愛國情懷。

佢個頭上面寫住「月亮代表我的心 月餅代表我的愛 咱們中國人重視中秋節的月亮和月餅」，好詩好詩，仲驚你唔識讀標埋拼音。雖然毛毛冇乜點讀過書，但都叫跟tree gun學咗幾年中文，呢種手法係唔係叫借物抒情呀？不過香港嚟喎呢度，唔通國家派佢嚟搞移動國民教育？

呢個示愛手法有啲面善，咁似之前娜姐個移動示愛fans嘅，係唔係同一個人嚟㗎，不過一個寫繁體一個寫簡體字。

相信呢兩位大叔一定好投契，見到面可以分享下示愛心得喎。

睇埋：深情男地鐵移動示愛：我永遠只愛周秀娜