你揀人，人揀你，你列出擇偶條件揀人嗰陣，畀你揀嗰個其實一樣睇緊你有咩條件㗎啫，所以徵友嗰陣就要好似呢個朋友仔咁，寫清楚自己嘅底細，咁成功配對嘅機會先會高啲㗎嘛（好似係）。

韓妹喎，睇見都心心眼啦，我好有性趣想知上帝畀咗啲咩特異功能佢呀喂，斷估唔係行得快過電車啩。可借毛毛我太年輕，仲要等多幾廿年先可以符合到佢嘅年齡要求，喂，韓妹，你等唔等得呀？BTW，點解冇相？下面個閨秀華女都有相啦，嗯，真心尋伴侶嘛，睇心㗎嘛，睇樣㗎咩？

苦無目標嘅就話登報尋人啫，如果已經有對象，之但係又未到手嘅朋友，就可以參考另一個方法：許願板呀！係就係old school咗少少，不過會得到好多人嘅祝福㗎（好似係）。

好似呢塊板咁，我諗見到嘅朋友仔都會祝福阿朝偉同杜如風有情人終成眷屬嘅，唔知嘉玲又點睇呢？

延伸閱讀：【男仔女仔配】擇偶條件大公開