而家做騙徒真係大生意，冇得節流都要開源㗎嘛，香港而家真係好似強國名句咁講：現在騙徒這麼多，傻子顯然不夠用了。

早前有人喺facebook呻飲啖水畀港鐵罰咗2000蚊，你睇我哋啲專才反應幾快，即刻就諗到用扮罰錢呢招呃人錢喇！

有上facebook都知港鐵罰人錢係用罰單㗎喇，邊有收cash咁好服務㗎，不過如果你咁啱喺車廂內食緊成碟頭飯又畀人周到，又真係可能會Sam Hui都乜都唔記得，磅咗水先嚟揼春嘅。

毛孩提提你，其實喺港鐵食嘢罰二千㗎咋，神智不清先係罰五千呀！吓咁我咪朝朝返工搭車都會畀人罰錢？

來源：香港人 Secrets