毛毛豬對於可以一面shopping一面食好西嘅餐廳係完全冇抵抗能力，今日呢間餐廳除咗滿足到我兩個願望之外，啲食物仲要好夢幻！嗚哇毛毛不行鳥！

嗱認住呢個貼咗好多張海報嘅門口，行上一樓就係㗎啦。介紹返，呢間餐廳叫媽不在家。點解叫呢個名呢？好簡單啫，媽媽不在家，咁咪可以盡情作反，放鬆自己囉。

而家天氣咁熱，就算行一層樓梯毛毛豬都成身汗，不過又估唔到間餐廳啲特飲唔單止消暑，仲有得玩！

呢杯叫做「藍人的秘密」。原本係藍色，但只要你放片檸檬落去，就會發現佢嘅秘密……慢慢變成紫色。

店主話呢杯嘢係純天然，大家唔使驚加咗啲咩色素。不過，味道方面就好似一般檸檬水咁，冇咩特別。

餐廳四周放咗好多盆栽，亦都放咗兩位店主嘅作品喺度寄賣。

結果毛毛豬最後都係忍唔住敗咗家，唉……

餐廳資料：

Mum’s not home

地址：油麻地上海街302號1樓

電話：9770 5760

網頁：Mum’s not home facebook