CCTVB前日嗰集《星期日檔案》為我哋完美示範五星旗如何搭時光機抗日，唔少觀眾都畀呢一幕震撼心靈，向通訊局盛讚CCTVB嘅勁共行為。

CCTVB就喺噚晚將網上版本加返個黑底白字嘅Sor9ly聲明，再將五星旗改返青天白日滿地紅旗。知錯能改先係㗎嘛，大台真係好有風度，好值得我哋學習。

之但係，唔知CCTVB是咪改開有條癮呢，改返啱青天白日滿地紅旗之後，順便將代表日本嘅日之丸旗都改埋做旭日旗。其實旭日旗係日本軍旗嚟㗎，一個國旗一個軍旗，咪唔balance，變咗把撚囉？CCTVB呀，快啲改返國旗對國旗或者軍旗對軍旗啦，唔係阿爺點交任務畀你呀！

資料來源：星期日檔案、Kursk Edward