而家facebook好興一句話乜乜乜，毛毛最有印象就係「一句話恐怖故事大賽」入面有句「明天星期一」…… 喺另一個page「一句撻著設計師怒火大賽」入面，唔少網民都踴躍投稿，好似「其實啲咩嘢設計都係左抄右抄嘅啫！」同「咁嘅layout我用Word都排到啦！」呢啲絕對唔會輸畀500蚊宏利嘅金句。

而最出色嘅一句就係「同我執走架的士佢」喇！好地地一架的士，你等佢走咗先影咪得囉，做咩要夾硬影完又執走佢啫！呢句句子睇落平平無奇，但就引嚟8千幾likes同海量優質改圖！

正路都係執到咁嘅，但呢位designer唔知是咪想頂爛市，個客冇叫佢執走水印又執走埋，陣間又畀客話你懶醒要再執過呀！

將的士改做像是帶著神秘嘅紅色跑車，再加埋阿姐，如果七月流流真係喺街見到，都咪話唔嚇到個心離一離。

有讀者就將喺歐洲happy緊嘅疑似key圖Regina BB key落去。喂喂喂，雖然話望多啲綠色對眼睛好啫，都唔使key成隊落去㗎，望得多Regina BB個頭對身心都唔好呀嘛！

見大家改得咁開心，毛毛都想玩埋一份呀！講起key圖，又點少得為我哋班廢青帶嚟歡樂嘅寵寵呢？寵寵問過，點跌先唔算係插水，畀的士撞到跌喺地咪唔算囉。

哎呀，搞錯咗少少，執返走架的士先，咁樣應該收貨喇啩？

資料來源：一句撻著設計師怒火大賽