兩國對戰，唔一定要明刀明槍嘅，心理戰先係致勝之道。南北韓大粒佬對話達成協議，泡菜國會停止擴音器廣播，原來泡菜國之前喺邊境放咗好多個大喇吧，大大聲咁激讚自由民主主義有幾優越同揭露北韓社會現實有幾現實，唔知是咪即係講金仔整容呢？

唔止咁呀，泡菜國仲會播少女時代同BIGBANG引誘班後生兵仔㗎！真係陰毒呀，淨係聽聲都丁死班北韓兵仔，個個腳仔軟仲點當更呀！

南北韓就用播歌當係心理戰呀，腥港同祖國其實都可以參考呢個做法，加強溝通，更好地打好關係㗎。

家下天口咁熱，又點可以唔唱返首有搖滾歌姬之稱嘅福頭老師嘅成名作《夏日熱辣辣》呢？腥港同祖國雖然中間隔住條深圳河，但同一天空下，流住一樣臭嘅汗，唱返句「熱辣辣～熱辣～熱辣辣～好熱好熱～」，就可以引起兩地人民共鳴啦！

資料來源：廣央網