CCTVB今個月尾開始會播新節目《在那遙遠的地方》，講洪永城深入北韓，睇下金仔領導下嘅偉大國度入面，人民生活到底係咪真係好似外國勢力講到咁慘慘豬呢？

喺宣傳片入面，洪永城話好多人都覺得北韓個個人都係演員嚟嘅，但佢就覺得，真實嘅北韓同佢想像中好唔同。又影到北韓人民好似幾幸福咁啵，搞到毛毛都去想下，話唔定仲可以免費聽少時同豬啫近正版MP3?呀！

但係今日脫北者關注組就貼咗張畀CCTVB嘅信，要求停播呢個咁有深度嘅節目！原因係CCTVB只係影到金仔正苦安排嘅一面，而唔係真實嘅北韓，驚CCTVB變咗北韓中央電視台，幫金仔宣傳。

最近高登有個叫「披頭散髮 」嘅巴打都post咗一系列佢喺北韓偷拍到嘅相，仲話有個強國大叔以為北韓人好落後，係咁話要用菜肉包同人交換心口個金日成襟章，但其實北韓人整唔見襟章要坐監㗎傻豬，梗係唔會為咗區區一個包仔就出賣金大大啦，呢啲騙案，忠心愛國嘅北韓寶寶係唔會上當㗎！見到北韓人咁醒目同愛戴領袖，睇嚟CCTVB齣北韓宣傳片都幾寫實喎！

資料來源：TVB、脫北者關注組、高登討論區