2015年08月26日 星期三
【佢黐Q咗線呀】35歲男呃12歲女蝦條？
有網民喺Facebook post咗段疑似呃蝦條嘅對話，呢位F男add咗個豬妹做friend之後，就展開一連串嘅攻勢，一開波就自爆自己35歲。當佢知道豬妹 （唔知是咪真）得12歲之後，立馬就嚟個衝力射球，問豬妹對性有冇興趣，仲話想了解吓囡囡啱啱發育嘅身體?！毛毛9估，佢好可能係一個生物學專家，只係想同個豬妹做吓學術研究，肯肯定唔係呃蝦條！
有網民話F男唔係第一次呃蝦條，呀，我指做學術研究呀～
為咗拯救天下間嘅豬妹，毛毛決定犧牲小我，動用私人Fb ac，直接同F男嚟返個真情對話！果然不出毛毛所料，佢真係問我幾多歲，但毛毛都未講自己幾多歲，佢就以一句「I do not add people who not not know me」嚟打發毛毛走......
恕毛毛英文差，打兩個not即係話唔會加識佢嘅人定係唔識佢嘅人呀，喺中文嘅世界，老師好似曾經講過呢啲叫雙重否定句，喺數學嚟講，即係負負得正，咁即係......Between，連男人都唔想同毛毛做Fd，唔通連個天都唔鍾意我？！
