早幾日嘅《星期日檔案》畀網民發現錯完又錯，改完都仲係錯，而喺雲海嘅帶領下，呢個找錯處嘅遊戲，大家終於成功晉級去到 lvl3喇！

《星期日檔案》第一錯係用咗搭時光機嘅五星旗，宣揚黨嘅抗日功績。

改返做青天白日滿地紅旗之後，又手多多改埋日本國旗做軍旗，繼續畀網民插爆。

而雲海噚日喺youtube upload咗條叫《無線新聞!事事痴根!》嘅片，話其實節目入面個地圖用錯咗1949後嘅版本，而唔係用緊抗日時期嘅中華民國地圖呀。嬲豬到一個點嘅雲海，仲忍唔住話大台編審痴根同痴線幾次咁多?呀！

條片去到最後，雲海話佢其實仲搵到另一個錯處，不過唔話畀大家知住，睇下大台自己搵唔搵到喎！大師唔好咁激心啦，大台踢一個改一個，已經好過有啲人踢完都唔改，或者話「大家就擔心用錯地圖呀，但其實全宇宙有13億人，甚至以為世界都是中國的」呀！

資料來源：雲海youtube

回帶：【CCTVB勁共勁共】五星旗搭時光機抗日、CCTVB再改再錯?!