早幾日港大建議香港正苦加強推廣殘體字，其實使乜你建議喎，腥港回歸祖國咁耐，一早就開始用緊啦，而且仲係唔同階層都用?！

禮義廉作為腥港最忠誠嘅愛國份子，當然就有責任做殘體字小先鋒，帶領腥港早日同強國嘅優良傳統文化接軌啦，成張poster都用殘體字有幾奇啫？腥港做唔做到一等文明城市就靠晒佢哋喇。

唔通靠你哋班廢青可以振興經濟咩？而家有錢投資嘅都係強國土豪，梗係用殘體就返人哋啦，腥港要發展，做人就要向錢看嘛～

呢個巴士站牌就唔夠光磊明落、明張目膽喇，淨係偷偷地咁喺收費地方轉用殘體。不過我都明嘅，改變係要一步一步嚟，先由細微嘅地方入手，讓一部份字殘起來呀嘛，成個牌，最重要嘅資訊就梗係車費啦，唔通係目的地咩？「全程收費」先行一步轉殘體，絕對合情合理呀！

回帶：【極速進化】已經成張海報用簡體鳥、簡體字我睇極都睇唔明