仲記得上個星期突然傳嚟壞消息，誠哥竟然畀一個內地富豪超越，屈居華人首富榜第二名。好彩，一個星期之後，誠哥就迅速重登榜首位置，為香港人挽回面子！

之前做華人富豪榜嘅時候，誠哥嘅身家先得2000億元，比第一名嘅王健林少咗600億。好彩我哋誠哥奮發自強，再加上香港人幫誠哥日日賺，佢副身家成功突破3000億，反超前坐返正做華人首富一哥，真係好勵志！

最近香港股市係咁跌，好多香港人都蝕到損手爛腳，誠哥能夠喺呢個逆境裡面賺多1000億，真係唔容易。廢青們要好好向誠哥學習啦（不過，首先你要有第一桶金囉好似係）！

資料來源：胡潤百富、Bloomberg 

延伸閱讀：【玩L完】強國富豪超越李嘉誠做全球華人首富