眾所9知，今日係農曆七月十四，毛毛晨早流流就見到張敬軒喺微博大吐苦水，一開波就話「七月十四日要留下買路錢」......原來係喺開平拍攝嗰陣畀班大媽村民收陀地，話拍攝費畀咗政府唔算數喎！事後仲嘈咗三個鐘，搞到乜都拍唔到，連諗住走啲村民都話要收停車費、妨礙休息費乜乜乜......

此文一出，就有強國網民留言話張敬軒樣樣嘢都扯到國情上，同紅衛兵冇分別！係囉，張敬軒又係唔抵幫嘅，人哋淨係收你停車費同妨礙休息費咋嘛，都冇收呼吸空氣費同陽光照射費，仲想點？都唔識體諒吓人嘅！

其實都唔使咁煩嘅，根據水魚都係魚，蝸牛都係牛嘅定律，毛毛建議張敬軒可以用溪錢嚟打發啲村民走，橫掂今日係七月十四，咩啫，溪錢都係錢吖！

來源：張敬軒微博