2015年08月27日 星期四
【終於有德政】出年年宵唔准撈金魚
新年指定動作，除咗去三姑六婆屋企逗利是同增肥，就係去年宵度迫迫貢，其實乜都睇唔到㗎，不過唔係點啫，唔去又好似冇乜過年氣氛咁。而年宵其中一個最迫嘅攤位，就係撈金魚喇。
其實撈金魚真係好變態囉，你諗下你行行下街畀人夾起又擺返低會點？今年2月嘅年宵，仲有無良老闆完咗年宵就將成千條金魚仔扔落流局長度！實在太過份喇！
香港正苦終於做返件好事喇，食環署決定2016年年宵市場唔准玩撈金魚呀！其實年宵有規定唔可以進行任何遊戲活動嘅，不過好多時都冇人執法囉。希望出年正苦唔會再選擇性執法啦。
老實講，撈金魚係幾好玩嘅，不過又堅殘忍，如果轉做網上玩咪得囉，仲可以撈啲得意啲，玩極都唔死嘅嘢?！呢款金魚得7秒記憶，唔記得自己話過咩一張摺櫈一支筆一本拍紙簿，而且仲撈足689次都唔死，襟玩好多㗎～
